اورمـــــــــــو ســــــئوداســــی

آغیرلاما کئچیریلدی

دده کاتیبین آغیرلاما توره نی ارشاد و فرهنگ اداره سی طر فیندن اورمونون قولونجو قصبه سینده ، اؤز دوغدوغو و یاشادیغی موحیطده ،موختلیف اورگانلاردان گلن اینسانلار، میللت وکیللری ، دین عالیملری، اینجه صنعت و کولتور خادیملری ایبارت اولان بویوک بیر جمعیت ایشتیراکی ایله گرچلشن بیر مراسیم له بیرلیکده جوما گونو 23/12/87  ساعات ۳-۶  کئچیریلدی.

مراسیمین  قیسا زامان اولدوغونا امما   گوجلو و ده یر لی پروقرام لا سونا یئتدی کی  بو آغیرلامادا چیخیش ائدنلرو دده کاتیبا اتحاف شعیر اوخویانار ایبارت دیلر:ماللا ابراهیمی(عالم دینی)الماسی(بخشداری منطقه)، خداوندگار(شاعیر)بهرام اسدی (یازیچی،شاعیر،یاز نشرییاتینین مودورو) واحدی(شاعیر،)بیت اله جعفری(شاعیر ،سیاسی رجال) قاضی پور(میللت وکیلی) بابعلی جوانمرد (شاعیر) جوادجوانبخت(قولونجو گنجلر درنه یی اویه سی) .

... شوبهه سیز دیر کی  بیر اولو شاعیرین حاققیندا دانیشماق یا دونیا گوروشلرینین و شعیرلریندن   سوز آچماق بیر مراسیم له یا بیر ییغینجاقلا مومکن دئییل اوزون زامانلار ایستر و بونودا زامانا بوراخیریق و گرکلی دیر کولتور و ادبیات چالیشانلارینا خصوصیله عیرفان دونیاسینین اوزمانلارینی هر عصیرده اورنک توتاراق  یاشاییشیمیزدا دوزگون یاشام ایچون کوللاناق.

جوشغون کونلوم گئنه درسین اوخوسون    توک آغاردی بیلدیم کفن قوخوسون

ائشیــدیب بیلنــــــلر رحمـت اوخوســـون     کاتیب کیمــی گوهر خانلار قالمـادی

هرزامان یاشایاجاکدیر دده کاتیب!

       اداره فرهنگ وارشاد استان آذربایجان غربی برگزار می کند

بزرگداشت شاعر  و عارف بزرگ آذربایجان حاج عبدالرحمان طیار متخلص به

                دده کاتیب قولونجو

مکان:مسجد محمد رسول الله قولنجی

زمان:جمعه ۲۳/۱۲/۸۷ساعت۳-۶ بعد از ظهر

دده کاتیب بیرقوجامان تورک شاعیری

آصیل آدی عبدالرحمان طیار اولان شاعیر1925 ایلینده اورمیه نین شاعیر لر و آشیقلار اوجاقی قولونجو کؤیونده دونیایا گلمیشدیر باباسینین آدی جعفر طیاردیر،دوزگون بیرمکتب تحصیلینه تورکیه یه  گئدرکن ایستانبول تورکجه سینه وعربجه یه موسلط اولموشدور.

آیریجا تفسیر حدیث ،کلام و آسترونومی بیلیم داللاریندا  اوزمانی یدیی،آینی زاماندا واعظ حوجاسی اولاراق اورمیه نین چئشیدلی دینی مرکزلرینده واعظ وئرردی.تورک خالق شعیری یازاراق گرچک بیر دده یدی چون خالقین اؤز دیلیجه یازیب  اؤز گرچک دردلرینده آنلادیب شعیر یازاردی،

شعیرلرینده دده کاتیب موخلصی قونیه تورک و کولتورادبیات دایره سینین اویه سی اولارکن اونا وئرمیشلر، تامامینی ازبر اولان یاقلاشیق 36000 بیت شعیری واردیر تورک خالق شعیرینین بوتون تورلرینده اثر وئرمیشدیر،بعضا فارسجا کوردجه دیلینه شعیر و یازی یازاردی.

دوکتورعلی قافقاسیالی  آنکارا اونیوئرسیته سی اوستادی  اولاراق دده نین حاققیندا بویله یازیر:

"دده کاتیب  باتی آذربایجانین و دوغو آنادولو آشیقلاری ایچون بیر میهنگ داشی، کولتور،ادبیات و دوشونجه قایناقیدیر،کیچیکده ن بؤیوگه،شاگیرده ن اوستادا،بوتون آشیقلار اونون شعیرلریندن و یازیلاریندان گوج آلماقدا فایدالانماقدادیلار."

شبهه سیز دیر کی:تورک آشیقلارینین گله نه یی تورک دیلینی، ایسلام دینینین و تاریخی، تورک تاریخی و تورک دونیاسی و ادبیاتی، تورک موسیقی سینی چوخ دوزگون بیله ن اوستاد عصیرلیق بیر تورک چیناری کیمی  بو محیطین آشیقلارینا، شاعیرلرینه یازارلارینا سایه سالماقدا، آیدین فیکری ایله بولگه نی آیدین لاقمادایدی.

او بیزیم اؤندریمیز ،؛سؤز ادبیات قایناقیمیزدیر او مجلیسلرده اولان زامان آشیقلارا،  شاعیرلره ،عیرفان عالمینه قووت  اولوب  سؤز لری ایله مجلیس باشلاردی و اونون سؤزلری ایله بیتردی، امما تاسوف کی  بو ایل بایرام آیینین ایکی سینده دونیا لی آنا دیل گونونده آرخاسیندا گؤز یاشلاری بوراخارکن بیزدن آیریلیب تانریا قووشدو، دده کاتیب خالق ایچینده یاشاماغی باجاردی حالا یاشییر و یاشییاجاقدیر،هله لیک اوچ کیتابی یاییلیب بو آدلارلا"اینجی لی صدف،اورمو گؤلو، گونوموز آیدین" امما هنوزیاییلمامیش مینلرجه شعیری واردیر.و اؤیود، چیخیش  توپلومو کیتابلاری تئز لیکله یاییلاجاقدیر.مکانی نور ایله جننت اولسون.

بیر شعیری:

عاریفلردن سوردوم دونیا احوالیـــن

                                               "آزاد قوشـا بـیـر قفسـدی" دئدیـلــر

عؤمرون اعتیبارین سوال ائیله دیــم

                                                گئدی گلمـز،بیر نفســدی دئدیـلـــر

دئدیم بیـرسرمایه،بیــرده سعـــادت

                                                 دئدیلــر،خوش اخلاق، بیرده قناعـت

دئدیم شوهرت ایچون اولسـاعیبادت

                                                "عاریف دئییــل بول هوسدیر"دئدیلــر

دئدیم دونیا مالی ،دئدیـــلر عیبــرت

                                                دئدیم بس جوانلیــق، دئدیلرفورصـت

دئدیم بس قوجالیـق،دئدیـلر حسرت

                                                  عؤمــرون پاییز یئلی اسدی دئدیلـر

دده کاتیب غم نهالیــــن غم اکــــــه

                                                  غم خرمنین،غم آنباریــن غم توکــــه

عؤمرون سوفرسینن بیر نئچـه تیکـه

                                                  یئدیم دویمامیشدان بسدی دئدیـلـر

آردی وار

تورک دونیاسینین باشقا بیرخالق شاعیری یوسوف خیال اوغلو

Yusuf Hayaloğlu ‘Hoşçakal’ dedi

Söz yazarı Yusuf Hayaloğlu 56 yaşında hayata veda etti. Ahmet Kaya şarkılarıyla tanınan Hayaloğlu yazdıklarını “halk şiiri” olarak tanımlıyordu

Vakit tamam seni terk ediyorum...”
Böyle başlıyordu şiir, aslında o şiirden ziyade bir şarkı sözü olarak tanındı. Apansız sevgililerimizin karşısında çıkıp sesimizi Ahmet Kaya’ya benzetmeye çalışarak söyledik şarkıyı. Terk etmek değildi niyetimiz, biraz arabesk bir hüzün yaratmak, biraz da ansızın gelen terk edilişlere hazırlanmaktı sanki. Çünkü çok terk edilmiş ve her seferinde bu şarkıyla hüzünlenmiştik. Bu dizelerin yazarı ve birkaç kelimeyle böylesi hüznü yaratan Yusuf Hayaloğlu’ydu...

Mekani nur ile dolu cennet olsun.                

دده کاتیب وفات ائتدی

ع‍ؤمرونو آنا دیلینه آدایان خالق شاعیری دونیا آنا دیلی(۲ اسفند۱۳۸۷) گونونده آرامیزدان کؤچدو.شعرلری باتی آذربایجان ودؤغو آنادولو تورکلری آراسیندا دیللرازبری اولان ۶۰ ایلدن آرتیق دیللردن دیللره گزه ن شعرلری ایله یاساق اولان دیلیمیزی یاشادان خالق شاعیری دده کاتیب (حاج عبدالرحمان طیار)آنا دیلی گونو وفات ائتدی. دده کاتیبین جنازه سی موختلیف کندلر و شهرلردن گلن اهالی ،میللت وکیللری، شاعیرلری ،اینجه صنعت و کولتور خادیملریندن ایبارت اولان بیر بؤیوک جمعیتین ایشتیراکی ایله گرجکلشن بیر مراسیم ایله بیرلیکده اورمیه نین قولونجو قصبه سینده توپراغا تاپشیریلدی.

باشیمیز  ساغ اولسون

قارا خبر تئز دویولور

چوخ ده یرلی یونوس،حمید ،فارص،ادریس،آکیف،یاسین،فوآد و فاروق طیار و باشقا آئیله عوضوولری،قولونجو قصبه سینه و بوتون تورک دونیاسینا باش ساغلیغی دئییره م.

  آذربایجان آذربایجان آذربایجان

گؤز یاشلار یئنه تؤکولدو

آذربایجان و تورک بالالارین بو جمعه گونو،دده سی ، آتاسی ،باباسی و اؤیود وئره نی بو دونیادان کؤچدو.

دده کاتیب...شعر دده م.قوجامان دده م.سس لی و هارای لی دده دم.

ای آذربایجان بالالاری .قالخین آیاغا.